李逸朗上節目爆性史　葉翠翠慘被擺上枱

藝人李逸朗（Don）為ViuTV節目《晚吹-啪啪聲，太好聽》任嘉賓，與主持鄧洢玲（阿旦）及梁梓禧探討性愛體位，Don坦言首次坦蕩蕩談性事。

問到最深刻的舊愛是否葉翠翠時，Don即扮失憶謂：「嫁咗人嗰個？唔記得啦，不過每個我都好深刻嘅，因為都愛過。（講到咁矛盾？）意思係我對份感情係深刻。（咁有冇拍片習慣？）冇，影相都冇，通常都係拍拖合照，有着衫嘅，今日嚟呢度係長知識嘅，阿旦好勁，識得晒48個性技巧名。」

阿旦焗睇四仔

談到於節目中表示喜歡某性愛招式，Don再被主持追問該女子「個子高不高」及「趣不趣」，取其舊愛翠翠名字諧音，對此Don笑謂：「講呢啲真係好尷尬，頭先都有同啲男仔示範好多體位。」現時單身的Don，自嘲已荒廢多年，雖然34歲已屆適婚年齡，但Don強調尚未遇上合適對象。問到他會留甚麼給未來太太，Don笑謂：「同老竇當年畀我一樣，就係條毛，因為有72變，其實係留份感情同愛畀太太，總之有好消息會同大家講。」至於阿旦就表示主持該節目很尷尬，為搜集資料也有睇「4仔」，又坦言一早不是處女。及後梁梓禧與Don示範性愛姿勢，梁更抵死向Don謂：「你當我係港姐，叫我港姐冠軍得嘞。」再度擺他與翠翠的舊戀情上枱。