沈穎婷喪減磅備戰拳賽：差2KG！

藝人沈穎婷（Winnie）、陳嘉莉（Kelly）、鍾溥敏等將參與11月舉行的《灝天金融慈善Energy Fight 2016》拳擊賽，為激發眾女的潛力，教練先讓她們參加下周日（25日）舉行的新星賽。

沈穎婷打到缺氧

忙於為賽事鍛練的Winnie，透露距離賽事尚有一星期，但其體重還差2KG才能達標，她謂：「真係好驚，我會繼續努力減！（瘦咗會體力唔夠？）都會，個樣虛啲同易病，平時做嘢又夜瞓，睡眠唔充足，所以生活節奏都好重要。」

由於今次乃新星賽，眾女毋需埋身對打，但揚言會盡最大努力，Winnie笑謂：「畀人打都要知點輸。（上到台好兇？）睇對手啦！盡量希望出盡力，試過缺氧令到手腳唔協調，聽到但郁唔到，第一次比賽時上到場發現地下好跣，淨係識將腳趾咪住地下！」

陳嘉莉自爆驚到腳震

而Kelly則表示上周連續31小時進行廣告拍攝，故體能隨之變差，有意看中醫調理身體，問到可有信心？她謂：「今次第二次比賽應該會好啲，上次驚到腳震，腦一片空白，唔知自己做緊乜，拳法都打亂晒。」

《灝天金融慈善Energy Fight 2016》「星級盃」冠軍賽於12月23日舉行，《東網》將直播賽事。