名人：朱鼎健孖周杰倫攜手打造音樂酒店

觀瀾湖集團主席兼行政總裁朱鼎健（Ken）接手打理觀瀾湖十年，把高爾夫球會發展為多元化的休閒產業，包括礦溫泉、華誼馮小剛電影公社、蘭桂坊娛樂街區等。為了吸引年青一代，Ken善用「明星效應」，他正與台灣歌手周杰倫（Jay）攜手合作打造音樂主題酒店，已籌備了一年之久，預計於2018年正式開幕。

將周董作品歌詞實景化

Ken透露Jay負責酒店設計，更大讚對方的構思非常精彩：「佢將佢演唱會裏面嘅好多元素、場景融入酒店入面，同埋將佢啲歌嘅歌詞創造番實景，而且仲會將啲歌衫提供畀我哋展示出嚟。」Ken透露自己2014年首次於「觀瀾湖世界明星賽」上與Jay碰面，當時更專誠打造了一份獨一無二的禮物給對方。他說：「因為我知道佢有首歌叫《雙截棍》，所以我將一支高爾夫球棍改裝，將球棍分開兩截，加咗條鐵鏈喺中間，等佢可以用嚟打高爾夫，又可以用嚟揈。」

星級效應生財有道

觀瀾湖隔年便舉辦一次世界明星賽，廣邀國際影星、球星聚首一堂打高球，成功引起全球對高球的關注。而將於今年十月舉辦的第四屆世界明星賽，更邀得影帝米高德格拉斯（Michael Douglas）、周杰倫、籃球「小巨人」姚明、德國網球名將碧加（Boris Becker），以及來自巴塞隆拿、利物浦和曼聯三大歐洲頂級足球球會的前主力球員史高斯（Paul Scholes）、約基（Dwight Yorke）等等。對於邀請一眾名人紅星出席，Ken坦言因他們早已對觀瀾湖略有所聞，加上既能推廣運動，又能打入中國市場，故都非常渴望參與此盛事，反而最大的難度是與他們夾檔期。

爆摩根費曼傷手仍專業

提起過去明星賽的趣事，Ken提起前年與「靚聲王」摩根費曼（Morgan Freeman）一同主持開球禮，但開場前一刻卻下起大雨。Ken笑言由於想起對方被喻為「The voice of God」，所以當時他對摩根費曼說：「Please help us stop the rain.（麻煩你幫我哋叫停啲雨。）」怎料雨真的突然停了，令開球禮順利進行。他又指摩根費曼當時的手受了傷，故全程只能以單手打高爾夫，其體育精神令他留下深刻印象。另外，奧斯卡影后妮歌潔曼（Nicole Kidman）穿了一條小百褶裙現身，引起中、外傳媒的關注，惹來熱話。

建球場支持體育發展

除了明星，球星的力量亦不容忽視，Ken成功令觀瀾湖做到「Golf and more」，不再只局限於高球，他邀網球名將碧加合作，聯手開辦全球唯一一間以碧加命名的網球學院，以培養未來網球新星。另外，Ken今年更於海南建二十個足球場，讓中、日、韓足球員於冬天亦有地方集訓。他說：「因為地理位置嘅關係，佢哋喺冬天佢哋冇地方訓練，因為海南全年都係夏天，可以畀佢哋喺度訓練。」

孖馮小剛打球促成合作

而去年開幕的華誼馮小剛電影公社，亦成功吸引了大批電影迷到來朝聖，Ken透露與馮小剛的合作，原來是二人在打球時聊天促成：「我哋識咗好耐，但係以前完全冇諗過合作。佢每年拍完賀歲片，都一定會嚟觀瀾湖度假叉電。有次佢話覺得佢拍電影嘅場景好靚，但係每次拍完就要拆、要被毀滅，真係覺得好可惜。傾傾吓就諗到不如做個真實版，將佢電影場景嘅喺度重現，好似做主題酒店、餐廳等等，打造一個旅遊小鎮。」Ken更透露電影公社會一直擴充，加入新場景，為電影迷帶來福音！