梁盛子病逝　黃淑儀因工作未能出席喪禮

黃淑儀與梁盛子認識數十年，自70年代起二人已是好朋友，黃淑儀接受《東網》訪問時坦言昨晚已收到梁盛子丈夫通知，指梁盛子17日（香港時間）因腦出血病逝，並坦言對此感到相當突然！

後生已交換烹飪心得

黃淑儀坦言最後一次見梁盛子是今年元旦，當時大家於溫哥華開party。她又憶述指與梁盛子無所不談，後生時更經常與對方交換烹飪心得，她謂：「當年70年代佢喺夜總會唱歌時我哋已認識，之後我哋成日互相去大家屋企研究烹飪，佢以前同余安安去登台，啲衫都係我借畀佢。佢移民到多倫多，因為同我細佬住同一區，所以我哋都成日見面，佢個仔（姜文杰）都成日嚟我屋企同我啲仔玩。」

黃淑儀又坦言當年梁盛子與兒子姜文杰有些誤會，黃淑儀坦言有勸導及教訓姜文杰。問到知否梁盛子與姜文杰、姜麗文的關係如何時，她說：「呢個唔係好清楚，不過都好似好耐冇來往。」她表示由於之後要去澳洲及馬來西亞登台，故應該出席不到對方喪禮。