重提舊情史 陳少霞後悔當年衝動結婚

20160922
東網電視
更多新聞短片
陳少霞講當年因心軟,衝動結婚。
前藝人陳少霞現身有線節目《往事.並不如煙之情書》,與主持黎燕珊分享她過去的愛情經歷,及與丈夫相識的經過。
陳少霞談到與唐文龍的一段情,她尷尬表示:「都係拍戲認識,我飾演佢妹妹,佢好照顧我,日久生情就一齊咗。」事業如日方中之時,24歲的陳少霞與商人結婚,離開娛樂圈,最後卻離婚收場。談到這段婚姻,她大嘆可惜:「當時好多朋友勸我唔好放棄工作,覺得我繼續努力會有成績。但我一時心軟,前夫向我求咗三次婚,我好感動,於是就衝動結婚。依家回想其實未深入了解對方,加上我唔適應婚後澳洲嘅生活,種種問題加埋導致失敗(指婚姻)。」
少霞透過朋友介紹認識現任丈夫李文輝,她笑言一切是緣分的安排:「其實我好自卑,我覺得年輕時做過好多錯嘅決定,唔敢向天父祈求一個好伴侶,所以好抗拒聯誼活動。終於有一次,因盛情難卻,我就在聚會中認識到現任丈夫。」少霞坦言下嫁八億富豪的生活並非如外間描述般奢華:「我哋平時生活好簡單平淡,好少坐跑車!」她又大爆不少朋友笑她的人生像韓劇的童話,叫她出書分享,但她暫未有此意,並感謝大家的祝福。