畢彼特不滿祖莉帶仔女去戰亂國家「較飛」

荷里活影星夫婦畢彼特（Brad Pitt）與老婆安祖蓮娜祖莉（Angelina Jolie）上周宣布離婚，震驚全球！

而有關於佢哋婚變嘅傳聞滿天飛，日前美國有網媒就傳安祖蓮娜從政嘅野心之大嚇怕畢佬，令佢大為不滿！據說身為聯合國難民總署大使嘅安祖蓮娜，想更上一層樓做埋聯合國秘書長個位，而畢佬最嬲就係佢成日帶啲仔女去戰亂嘅國家，如伊拉克及黎巴嫩探望難民，令佢哋生命受到威脅！雖然安祖蓮娜每次親善之旅都安排好保安問題，但畢佬仍好擔心仔女嘅安全。