陳靜儀變靚啲　網民：又唔同咗樣？

過氣「模媽」陳靜儀（Mia）經常被指曾經整容，雖然佢一直堅持從未喺臉上動刀，只係認過喺面上唔同位置打美容針，但愈變愈靚嘅Mia，依然成日畀人話佢逆生長、日日唔同樣！

Mia日前喺社交網站上載咗多張同朋友慶祝生日嘅相，啲合照個個都咁靚女（好似係）。但有網友問點解啲合照唔見Mia，唔通Mia負責影相所以冇入鏡？！非也非也，Mia係有入鏡架，如果唔係fb到tag咗佢，真係認唔到邊個係佢呀！Mia個靚樣又更上一層樓，搞到網友都忍唔住話：「又唔同咗樣？」、「最難得愈變愈靚。」

講番啲相，見Mia頭戴粉紅色Cap帽，再着住低胸白色T-Shirt再加上百褶短裙，少女味勁濃！