?爆幽會史曝光　張致恒被揭匿衣櫃逃亡

藝人張致恒（Steven）背住女友莊端兒「偷食」台妹Doris，搞到形象插水，更成全城熱話，近日更被好友茜利妹與吳日言（Yan）在網台主持的節目《屬豬嘅小姐》中大揭秘史，指Steven於2003到2004年與當時的女友歌手在家中短敍時，險遭傳媒「捉到正」，當日Steven更要匿衣櫃「偷走」才得以「甩身」。

兩個版本

節目中，Yan表示她聽到的版本是約在2003、2004年，當時Steven與一名女歌手玩地下情。有次男方上女方家後，發現樓下有傳媒守候，兩人恐防戀情見光死，即時急Call救兵，最後有人要藏在行李篋內成功被運離寓所。

　

四大壯男幫拖

茜利妹之後即自稱是知情者，並謂自己當時有份被召喚救人：「嗰時我係幫緊女歌手做創作嘅嘢！」Yan即謂：「講到咁白呀！」茜利妹續說：「都事過境遷啦！個女嘅都結埋婚生埋仔。」茜利妹繼續抽水謂：「我當時同個女歌手講，你屋企係掘頭巷，不如叫佢過晚夜先『散』，佢答我唔得，話啲記者好有毅力。而且Steven第二日要開工，所以一定要走。」茜利妹再說之後得知該女歌手急召四個壯男上寓所，將Steven放入衣櫃「連人帶櫃」運走，才瞞天過海成功甩身。

雖然節目中未有踢爆女歌手身份，但傳聞令人諸多揣測。《東網》事後致電茜利妹，問到在節目中爆料可擔心被指抽水時，茜利妹謂：「唔係抽水，亦唔擔心Steven會嬲。」又指向來視Steven為弟弟，因兩人識於微時，又謂自己曾在網劇中扮演Steven姐姐。談到Steven偷食，茜利妹謂：「佢每個女朋友我都識，好似鍾舒漫、莊端兒咁，見到Steven搞到要公開道歉都戥佢心痛。」她又笑指覺得Steven「鬼上身」，因有感對方在娛樂圈浸淫多年，理應學會如何處理負面新聞，但卻於日前回應傳媒時「愈講愈錯。」而事件主角Steven，則表示對傳聞不作回應。