名人：汪圓圓封肚兩年　老爺奶奶唔OK？

「玩具大王」新抱汪圓圓及胞姊汪詩詩出席時裝活動時，圓圓身穿闊身連身裙現身，問她是否再有喜？她笑言：「唔係，舒服啲。（努力中？）唔係，差唔多，努力湊B。」她指兩歲大的囡囡Celine，以及一對孖仔都很活躍，故湊他們並不簡單。問到是否封肚？她說：「Never say never，不過呢兩年都封。（老公蔡加讚Ok？）佢話ok，因為佢有時出去公幹幾日，返到嚟好掛住小朋友，但唔知抱邊個先好。（老爺奶奶都ok？）佢哋想愈多愈好，不過都好開心，依家都唔少。」

圓圓又指由於Celine喜歡得到注意，故再誕孖仔時，已有感對Celine有點不公平。問到有否與老公分工，一人錫仔、一人錫女時，她說：「我覺得孖仔有個伴，所以會畀多啲注意力個女。（佢會唔會打細佬？）唔會，好錫佢哋，每次見到佢哋喊，就會話要畀『奶奶』佢哋。」她又提到Celine來年將升讀奶奶蔡李惠莉所辦的幼稚園，並坦言已有點不捨得，因囡囡性格很獨立。

同場的詩詩則透露下午出席了老公甄子丹主演電影的開鏡活動，並笑言認不出「老公」。