收媒人利是　陳山聰爆展鵬有異性冇人性

藝人陳山聰出席無綫新劇《同盟》開鏡儀式，講到胡定欣與陳展鵬傳緋聞，被指是兩人「紅娘」的他，笑謂要收媒人利是，但不忘笑指二人傳緋聞其實是《城寨英雄》效應，又取笑定欣「因為要黐車坐」才傳緋聞！

原來約咗定欣

不過山聰大讚兩人郎才女貌，直言若果兩人真的拍拖，會恭喜他們！又笑謂要幫手撥火，因展鵬單身良久，需要愛情滋潤！至於是否看好二人？他說：「感情就佢哋先知，但佢哋好襯，唔怪得我約展鵬做運動佢唔嚟啦，原來佢約定欣！」

西裝縮晒水

陳山聰又指拍攝此劇需要大量體力，故要做足準備，並透露日前拍攝了一場一打六的戲份，他說：「柔術同搏擊，打完成件西裝都濕晒，洗完都着唔到，因為縮咗水！」