【勁期待!】鍾嘉欣宣布年尾返香港

20160930
東網電視
更多新聞短片
嘉欣BB返香港喇!
現年32歲嘅鍾嘉欣去年底同無綫集團前主席梁乃鵬嘅脊醫姪仔Jeremy秘密結婚,今年8月仲喺加拿大幫老公誕下B女Kelly。
生完BB之後,嘉欣一直喺加拿大專心相夫教女,忙住湊女嘅嘉欣冇咩時間玩微博,對上一次更新微博已經係8月27日。而今日,嘉欣終於再更新微博,但佢都係冇上載自己同Kelly嘅近照,只係得啲B女嘅禮物相。
雖然冇佢哋兩母女嘅相睇,但大家唔使失望,睇埋嘉欣BB嘅留言先啦!佢話:「謝謝你們對我一直以來的支持和愛護我的女兒。我今年年尾會回香港,到時見!期待!!!」嘩!嘉欣年尾就會返香港喇,唔知佢會唔會帶埋囡囡返嚟見大家呢?同埋,嘉欣會唔會順便拍吓劇呢?真係好期待呀!