【有埋名㗎】謙謙楊怡打造全球獨家婚戒

藝人羅仲謙與楊怡將於後天（10月2日）在港舉行婚禮。二人對於今次婚宴籌備重視非常，更落手落腳親自設計婚戒，再交由專人打造，並命名為「愛的城堡」。該對「愛的城堡」，由設計到打造，足足花了3個月時間，兼且是「全球獨家」，設計及意念均別出心裁。

有份參與婚戒打造的珠寶師接受《東網》訪問時表示：「靈感源自二人於英國里茲城堡拍攝婚紗照。這是英國13世紀的皇家城堡，歷代國王將之送給王后作為宮殿，正如謙謙想將這份心意送畀阿怡咁。戒指採用城堡邊線元素，加入雙方英文名嘅首個字母為整體造型，戒壁內側更刻了婚禮主題logo，寓意呢一日呢一刻將永記在心。」認真sweet爆！

婚前懺悔？

雖然謙謙為婚禮花盡心思，但原來佢近月為忙拍電視劇《無間道》，趕戲趕到天昏地暗，直至昨晚戲份方告完成，終於可以專心準備迎接人生大事。對此，謙謙接受電話訪問時坦言：「呢排真係好攰，所以如果你問我婚前心情嘅話，我只可以話既開心又攰爆。好慚愧係所有嘢都交晒畀阿怡去籌備，我只能做到嘅，係返屋企同佢商量吓啲婚禮細節咋。」

謙謙更透露獲經理人公司批出約兩周的婚假，可惜十月中便要「消假」入組，到上海拍攝內地電影。至於度蜜月，他笑謂因時間問題，故至今仍未有最後定案。