名人：戰鬥格王麗嘉撻着周美鳳仔仔

正所謂女大女世界！型佬王敏德與名模馬詩慧對三位子女的感情事抱開放態度，給他們很大自由度，現年21歲的二女王麗嘉，身邊男伴更是團團轉，緋聞多多的她近日原來撻着剛在美國大學畢業、名媛周美鳳的兒子蔡卓衡（Tim）。

日前晚上約7時，麗嘉單拖現身銅鑼灣一商場門口，企埋一邊撳電話似乎在等人。一向身材出眾的麗嘉，當日穿上貼身Deep V白色小背心配熱褲，大騷激凸身材兼長腿，難怪不少途人行過都不禁回頭眼望望。鬼妹仔性格的麗嘉，期間不顧儀態地當街抬腿拉筋，不經意露出Bra帶。

未幾見一身Casual打扮的Tim前來會合，原本木無表情玩手機的麗嘉見到男友即笑到見牙唔見眼，之後兩人孖住到附近搵嘢食，去到餐廳門口，二人傾了一會，似乎唔啱麗嘉口味，於是雙雙轉身走人。期間男方輕掃麗嘉纖腰，而麗嘉亦未有抗拒，繼續專心撳電話搵地方撐枱腳。