分咗手仲性騷擾?周永恒認打黃芊詠兩次

20161001
東網電視
更多新聞短片
嘩!勁亂呀!

現年32歲的歌手周永恒(Roy)本年初搭上只得23歲、擁34D身材的女子組合O.M.G成員黃芊詠(Cherie),兩人相戀八個月,期間曾傳兩人發生肢體碰撞,但兩人否認,事後更齊現身活動晒恩愛闢謠,直至七月尾,Cherie承認已跟Roy分手,原因是兩人性格不合致經常為小事爭執。

據知兩人現時都已另結新歡,其中Roy結識了現年30歲、名為Britni的內地女子,而Cherie就有富二代新歡,但分手以來Cherie仍不時在Facebook大呻失戀之痛,昨晚更在Facebook大爆曾被Roy打,Cherie在Facebook發文:「周永恒我嚴重警告你,唔好再話我騷擾你啊!先撩者賤啊!」發文獲不少圈內及圈外人留言,當有人勸交時,Cherie竟留言:「打我佢無錯?」歌手曲赤亦搭嗲撥火留言「佢真係太過份啦!」惟此發文在數小時後已被刪走。

周永恒聲稱被抓傷

對於被指曾打人,Roy接受《東網》電話訪問,由否認變承認曾兩次「兜巴星」Cherie,更大爆內幕原因:「第一次係因為佢濫用藥物,見佢喺張床好辛苦,所以摑咗佢幾巴,希望可以摑醒佢。而第二次係同佢喺大陸返嚟香港,佢話有個老闆問佢價,願意出一萬,我身為佢經理人同男友,我聽到之後好嬲,為咗想阻止佢,所以就摑咗佢幾巴。(擔心被告打人?)唔怕,我打佢係有原因,牧師都知呢件事,有人證物證俱在,點解佢唔講我打佢嘅原因?」他續爆其實女方都有打他:「有次我錄音,佢突然發狂,扯到我件衫爛咗,又抓我心口,依家條痕都仲喺度,係永不磨滅!」

稱畀女方不斷性騷擾

對於Cherie的指摘,Roy對此反擊指女方分手後仍不斷性騷擾他,多次想約他進行親密行為,多次留言:「我想XX」、「我想同您XX」和「衰人我掛住您呀」,Roy說:「依家邊個騷擾邊個呀?分咗手後我已經block晒佢啲聯絡方法,但因為換唔切電話,所以先仲有SMS。佢成日凌晨四、五點打畀我,仲叫我同佢發生親密關係,唔該佢尊重自己啦!我哋曾經愛過,佢事業都有理想,所以我同佢解咗經理人合約都仲介紹job畀佢,但可能因為咁令佢誤會我仲鍾意佢。其實我都忍佢好耐,佢不停搵我,成日send啲性感相同鹹濕說話嚟,我一直都唔覆佢,因為好驚影響到依家女朋友。」

周永恒:只想重新做人

他續謂新女友曾找過Cherie:「因為Cherie不停騷擾我,搞到我抑鬱症復發,我仲夢過佢用車車死我,既然佢主動add我依家嘅女朋友,所以女朋友先主動話打畀佢傾吓,我依家係希望佢可以放低件事。」Roy亦大爆與Cherie分手第四日,對方已告知他認識了新男友:「我祝福佢,希望佢有新發展,我都識到依家呢個女朋友,佢比較成熟,唔係嗰啲成日要去蘭桂坊飲酒嘅人。」他大讚女友Britni很好,不愛錢亦不想出名,亦謂他倆正為對方努力改變:「我依家淨係希望可以平靜拍拖,唔想再喺呢個四角關係兜轉,我曾經賤格過,依家只想重新做人。」

而記者亦有聯絡Cherie,她透過電話表示不想再跟Roy有任何關連:「如果佢再搞我,我就叫埋朋友去報警幫我做人證,告佢之前點打我。(佢話你疑濫用藥物?)你同佢講心照啦,依家一齊去驗尿囉。(你畀人疑問價?)佢永遠唔聽人解釋,人哋想包我係人哋嘅事,點解係我問題?(佢話有原因先打你?)我本身之前都同傳媒講佢冇打我,結果唔知點解會變咗幫佢講大話都係理所當然咁,就連佢打我都好似變咗啱咁,如果有原因就可以打人,咁警察唔使做啦。」