名人：王敏德Chok爆晒琴技「我學咗4堂」

型男王敏德（Michael）與仔仔王躍穎（Kadin）出席鋼琴演奏發布會，Michael還即席表演彈鋼琴，相當Chok爆，他續透露自己現時是鋼琴學生：「我依家上咗4堂，頭先即刻試吓表演，好有壓力。」又謂自己很喜歡Classical Music。Kadin大爆爸爸以往上網自學鋼琴，他現希望跟老師學正規的彈琴方法。

學琴圓願

Michael表示學琴是自己一直以來的願望，現在老師給予我信心：「師傅喺堂上即刻睇到我嘅問題。（點解之前自學？）我想彈鋼琴10年啦，係未認真去搵老師，依家師傅話我有天分。（你最大問題喺邊？）我想學睇譜，我唔識分拆首歌。」Kadin笑言爸爸很難彈完一首歌。

彈老婆至愛歌曲

Michael續透露現時一星期上一至兩堂課，老師亦大讚其頭腦轉數快。問到會否考鋼琴試？他表示不會：「我淨係想學，學鋼琴係為自己同埋畀其他人欣賞，唔係為考試嘅榮譽。」他希望下次表演可彈到3至5首歌，於6至8個月內達成目標，又謂屆時必定會彈一首老婆馬詩慧至愛的歌曲，透露對方有給予自己學琴的鼓勵。

仔仔想同爸爸Jam歌

Kadin表示爸爸彈琴有進步：「學咁耐都冇進步就要擔心啦，佢跟咗老師學之後都認真咗好多。」又謂爸爸現時揸完直升機工作後，亦會返辦公室練琴。他續稱自己對音樂亦有興趣，但彈琴就不算是最有興趣的一項，希望可抽時間學Jam歌，其後他跟Michael一同表示希望日後可「四手聯彈」。

另外，歌手莫文蔚媽媽莫何敏儀亦有現身活動，她表示專誠來為好友Michael捧場。