蕭正楠鬍鬚Look勁Man 翠如笑似羅樂林

20161004
東網電視
更多新聞短片
真係激似!留意番,左圖右係蕭正楠,右邊係羅樂林。

藝人蕭正楠、曹永廉、田蕊妮、王君馨、朱晨麗在將軍澳電視城為穿越劇《超時空男臣》試造型。蕭正楠以滿面鬍鬚的將軍造型示人,他笑說:「未試過咁英嘅造型,send咗張相畀翠如睇,佢話做乜send『羅羅攣』(羅樂林)張相畀佢。」田蕊妮則以孖辮造型示人,她笑說:「今次係青春少艾,大家係咪有啲唔慣,係咪以為拍鬼片。」

瘋狂鬥嘴

談到與曹永廉再次合作,蕭正楠笑言擔心傳緋聞。問到蕭正楠造型有沒有嚇親女友黃翠如?他說:「冇嚇親,佢話好型,上網睇番『羅羅攣』張相真係有八成似。」曹永廉聞言即笑謂:「『羅羅攣』都係生蛇,秋風起吖嘛,會唔會傳染㗎?」蕭正楠說:「我同『羅羅攣』可以搞番個『生蛇俱樂部』,呢排公司多人生蛇。阿廉冇生蛇,但佢生好多其他嘢。」

曹永廉激減十磅

田蕊妮則指終於恨到與蕭正楠及曹永廉合作,曹永廉笑說:「我都好想同阿田合作,人生要合作一次。」蕭正楠則說:「阿廉之前肥到好似隻豬咁,為套劇好畀心機減咗十磅。」蕭正楠指今次有十集要黐鬚扮演將軍,劇中更有不少動作戲,阿廉聞言即反擊他謂:「冬天黐鬚舒服好多,唔係熱天條蛇又出嚟。」