做陶大宇跟班　胡天佑：袋咗好多錢落袋

藝人胡天佑現身無綫外購劇《隱世者們》飯聚，透露劇中飾演陶大宇手下，乃警官一名。問到首次與一眾前輩們合作可有壓力？他謂：「我第二次拍鄧特希監製劇集，都係一個新人，拍攝過程好多時唔識點做，好似有幾場同大宇哥對手戲，佢會指點我應該用咩語調同感情去做，例如肢體方面，我都加咗啲小動作，其他前輩都有指導吓，袋咗好多錢落袋，今次真係得益不少。」