周永恒晒歌詞　暗示同新女友有暗湧？

32歲歌手周永恒（Roy）本年初搭上只得23歲、擁有34D身材女子組合O.M.G成員黃芊詠（Cherie），兩人相戀八個月後分手，兩人亦已經另結新歡，Roy就同現年30歲叫Britni嘅內地女子拍拖，而Cherie就有富二代新歡。日前，Cherie就喺Facebook大爆曾被Roy打，又發文：「周永恒我嚴重警告你，唔好再話我騷擾你啊！先撩者賤啊！」Roy之後接受《東網》電話訪問，承認拍拖期間曾兩次「兜巴星」Cherie，仲反擊指女方分手後仍不斷性騷擾佢，最後Roy表示依家只想重新做人，同新女友平靜咁生活。

而今日Roy就喺Facebook上載咗自己染咗髮嘅新相，仲留咗歌手梁奕藍嘅《喜歡自由》其中一句歌詞：「抱了你太久，清楚你從來喜歡自由，還在拖手，全為了不想彼此內疚，愛侶間欠缺熱情難補救，懇請你自首。無謂再挽留我但卻每晚出走。」唔通佢同新女友又出現暗湧？