【征服喜瑪拉雅山】黃德斌隔空啜爆女友

20161005
東網電視
更多新聞短片
黃德斌(左圖)話佢呢次去喜瑪拉雅山嗰陣,全程靠衛星電話打畀女友報平安。
藝人黃德斌、麥美恩及謝東閔等,於西貢出席無綫歷奇節目《天與地》記者會。德斌日前與謝東閔及梁彥宗遠赴尼泊爾拍攝,登上喜瑪拉雅山馬納斯盧峰。現場播出的節目花絮中,所見德斌於旅程中捱到病,同場謝東閔亦於台上透露自己曾出現水土不服,日日肚屙:「每日都屙得好犀利,推薦便秘嘅朋友可以上高山!」
廁所環境惡劣
德斌受訪指當時進行檢查後發現患上感冒,故耽誤了行程。提及謝東閔於旅程頻頻肚屙?德斌直認於當地次次如廁都相當掙扎:「個廁所幾日先清一次,我唔想入去。我行得低啲嘅廁所又痛苦,因為行兩步就喘一喘氣。(畀謝東閔臭親?)佢自己會行遠啲。」
問到德斌當時遇到險境有否通知女友?他笑稱僅以衛星電話向對方送吻「報平安」:「佢知道,但係衛星電話成日講30秒就斷線。(女友擔心你?)我有打返去,淨係咁『啜啜啜』就算。」
準備較大尿兜
德斌被問到有何建議送給即將出發廣西的麥美恩等人?他搞笑叫對方準備定容量較大的尿兜:「我之前帶個500ml嘅都差啲滿瀉!」