【眾女群浴】香香崔碧珈何佩瑜半裸谷戲

岑麗香、崔碧珈、何佩瑜早前合作新戲，在戲中除了打到落花流水之外，還有一場群浴戲，眾女齊齊裸背上陣。香香雖首次拍此類戲，但因大家已很熟絡，所以直言零尷尬，亦無意與何佩瑜以及崔碧珈比併身材！

香香唔覺尷尬

不過首次應付此類場面的香香，事前還是做足防走光措施，穿了肉色TUBE TOP。所以，她直言拍攝時一點尷尬也沒有，並謂：「因為呢個場口係套戲拍到尾聲時拍嘅，所以同幾個女仔都已經好熟絡，再加上場戲唔係Sell Sexy，係Sell姊妹情再加少少美感，好似平時去公共泳池咁咋嘛！（拍嘅時候，覺得邊個身材最好？）個個都好好，各有特色！」

崔碧珈細細個已群浴

而在戲中露波邊的崔碧珈，則前面黐了膠紙防走光；崔碧珈更細述小時候的「群浴」經驗謂：「我細個好鍾意游水，同啲姊妹朋友經常會一齊去泳池游水，咁嗰時細個，為咗慳時間，會一齊喺同一個沖涼房入面沖涼，大家好似姊妹咁，所以都冇尷尬。」

談到蝦碌事，崔碧珈笑言拍攝期間，原本大家傳緊一支洗頭水嚟用，但因期間有人跣手整跌洗頭水，令大家冇得傳落去，但為了不NG，眾人惟有扮繼續傳，十分搞笑。

一向身材甚FIT的何佩瑜，被問到拍「群浴」戲時，哪位身材最吸引？何佩瑜謙稱：「我只係知道自己最差，因為為咗拍呢套戲，我操得好犀利，上磅都重咗十幾磅，所以，應該最差係我。」

岑麗香三圍：33C、23、33.5

何佩瑜三圍：33C、24、34

崔碧珈三圍：36G、25、35

李元玲三圍：30C、24、34