【網民激讚】張曦雯晒少女照力證冇整容

藝人張曦雯（Kelly）現身新劇《律政強人》「謝師宴」飯聚。談到她近日在網上晒13歲時的照片獲網友大讚，她謙稱是因劇集效應才成為別人談論對象，並謂因有人認定她整容，故特上載少女時期相片以正視聽，她謂：「父母生我出嚟就係咁樣，眼同面形都係，我想為自己平反嘅。都開心畀人話我細個得意，但我就覺得好黑同有東南亞Feel。（終於吐氣揚眉？）劇集威力真係好大，喺無綫一直努力工作都未必得到人注意。（網友仲話你唔使性感都得！）咁以後收埋性感啦！矜貴少少等大家唔使睇到厭。」

問到新劇反應咁好，可有監製找張曦雯拍新劇？她坦言暫未收到消息，又直指自己身材高佻兼大隻，很難找到適合的男主角。她又謂寄望之後能再度遇上好角色，及能與一班如《律》劇般犀利的前輩合作。