邵音音後生激似Kay　網民笑少爺占似光洙

萬聖節就嚟到，唔少大人細路都會應吓節，扮鬼或者去主題公園玩鬼屋。而少爺占同邵音音就已經率先試玩，一個口才了得，一個係鬼后，兩個鬥嘴又鬥大膽，短短六分幾鐘裏面，網民已經話笑到眼水都流埋，睇嚟呢個新鮮組合都幾受大家歡迎！

一開始，少爺占同邵音音都唔知大家嘅拍檔係對方，導演仲玩嘢畀咗張迷人電眼相邵音音，搞到佢滿心歡喜話：「唔係梁朝偉，就係金城武！」仲緊張到廣東話都講唔正：「『Cup』不及待！」一見到少爺占時，邵音音即刻表現失望：「明明好似韓星，一係金城武㗎嘛...」轉數超快嘅少爺占聞言反擊：「啲Friend叫我做『銀城武』，行喇！」

玩鬼屋過程，雖然邵音音不停推少爺占行前，仲嚇到?嘩鬼叫，有吓仲嚇到「十指緊扣」拖住少爺占，但有網民就覺得邵音音扮驚「連小朋友都話D（啲）鬼唔恐怖」、「假到震，扮驚」。不過唔理真定假，最緊要吸引到大家去玩啫！

最後佢哋整斷咗條手帶，任務失敗，要飲特製辣血漿作懲罰。Man爆嘅少爺占就幫邵音音頂埋，飲到乸埋口面咁，邵音音見少爺占對佢咁好，就送上自己後生大特寫回禮。由於邵音音後生時樣貌同「女神」謝安琪好相似，少爺占搞笑問：「好靚呀，係咪「人妻」安琪BB呀？」場面笑爆嘴！亦有網民留言話淨睇細圖、唔睇description，仲以為係李光洙同謝安琪?！話時話，小編都覺得少爺占幾似李光洙，今年萬聖節少爺占又有多樣選擇可以cosplay喇！

網民有話兒

Axx Hxx：第一下望真係似光洙

Soxxxn xxxng：我都一直覺得音音姐後生個樣同謝安琪而（依）家個樣勁似 即係話...

Kexxx Chxx：係（喺）圖書館笑到出聲 ?????

Johxxxx xxon：工作人員被嚇昏就真。。。

Txxry Lxx：好像好好玩咁 ?