憑李小龍揚威海外 伍允龍冇時間見劉佩玥

20161007
東網電視
更多新聞短片
《城寨》一劇後人氣急升嘅伍允龍,近排再憑新戲揚威埋海外。

藝人伍允龍為日本料理開幕任剪綵嘉賓。他透露近日與袁偉豪為慈善節目練習打鼓,由於要用盡全身力氣打,又與平日打功夫用的力度不一樣,故搞到周身攰痛。

對於其主演有關李小龍生平的電影《龍之誕生》早前於加拿大試映,伍允龍表示反應不錯,並謂:「美國都有好多reviews(影評),亦有好多加拿大電台訪問我,話終於有個亞洲英雄喺西方戲院入面。(咁啲人覺得似唔似?)感覺上有啲人覺得似,好似小動作同講嘢咁,打都有幾分似。(你覺得似唔似?)睇完覺得大家好努力做好件事,講到完整故事出嚟,節奏同方法都幾滿足,拍完都幾proud of(驕傲)呢件事。」

談到新片反應不錯,伍允龍透露近日有幾套電影欲與他合作,故預料稍後多數留外地工作,問到是否意味與緋聞女友劉佩玥見面時間大大減少?他謂:「返嚟後大家都忙,冇見面,但有WhatsApp say hello,咁有時間都會約出嚟食飯。(唔驚感情轉淡?)大家係朋友冇問題,好開心大家鍾意《城寨英雄》入面貓仔同柯德莉呢一對,但戲外大家只係朋友。」