何韻詩寫兩歌念阿梅：佢留咗一個盒畀我

歌手何韻詩在紅館舉行頭場演唱會，唱完第五首歌《拋磚引玉》後，她終於跟大家打招呼：「大家好！我都等咗你哋好耐喇！係咪我咩都唔做，就咁企喺度都可以？多謝你哋，衷心感激每一位，係你哋將我帶嚟依度，歡迎嚟到小小世界，睇落黑色一片，但都收埋好多希望，同埋唔同嘅小禮物，希望今晚一齊搵番出嚟好嗎？多年來收埋好多對世界嘅盼望，發現歌曲有生命，隨我同依個地方嘅變化，會有唔同想象。」

之後舞台垂下籠，阿詩行入去，期間籠升至半空，她唱出《如無意外》，她謂：「頭先唱嘅歌，有兩首係我寫，分別記載咗兩個時段我對一個人嘅情感，雖然依個人已經唔再喺度。」有歌迷即大叫：「有我哋呀嘛。」阿詩：「係，我知，但佢留咗一個盒畀我，呢個盒我以為裝滿好重、好黑嘅東西，但原來佢係份禮物嚟。」藉以向師傅梅艷芳表達懷念之情。