轉行做藥廠OL 韓君婷再度退出娛樂圈

20161008
東網電視
更多新聞短片
韓君婷在活動中宣布慢慢退出娛樂圈。

藝人韓君婷和顏子菲在銅鑼灣出席「NuMe名人醫美外科中心」周年慶活動。現年41歲、曾在2010年宣布暫時退出娛圈的韓君婷,今日在活動中再度宣布會慢慢退出娛樂圈,專心從事德國一間藥廠的「Practice Development Executive」職位。訪問時,談到韓君婷的「退出宣言」,韓君婷即謂:「我諗娛樂圈呢世都唔會退出到,喺街又會撞到你哋(記者),又好多朋友仲喺行內。」但因為已經當了OL一段時間令心態改變,同時現時醉心於醫學美容,所以難以重拾演藝事業。問會否做「白老鼠」?曾經因撞歪鼻而接受醫學美容的她即謂:「會!」又謂撞歪鼻事件令她知道醫學美容可以發展成自己事業,問新工開了幾多日?她即笑住話返了一個星期。

談到她的鼻子,她就指直至現時為止做了一次半手術:「每次做手術都令創傷加大,加上之前因為環境而發炎。」所以之後的手術要慢慢嚟,又謂自己現時生理心理均好好:「只不過係做唔到影相Model啫!」

升胸顏子菲:行步路都挺啲

至於第二年擔任代言人的顏子菲,之前就透過醫學美容由A Cup躍升成34C,直言對現時身形滿意她表示人生因此而改變:「行步路都挺啲!」問會否因身材變好而吸引更多追求者,她笑謂:「唔清楚!唔會因為我個胸大咗就有人行埋嚟話鍾意你嘛!(前男友有冇笑過你細?)冇!都係真愛!」談到新聞稿指她升胸後乳頭變Pink,她即大賣關子,叫女士們親身來試,認真搞笑。