盧凱彤自資七位數出碟壓力大

歌手盧凱彤（Ellen）闊別四年將推出全新國語專輯《你的完美有點難懂並不代表世界不能包容》，全碟由Ellen親自包辦所有歌詞，並找來方大同、林宥嘉、魏如萱的專屬結他手韓立康以及其他頂尖樂手們合作。

全碟有血有汗

Ellen表示錄音時被方大同的曲考起：「《我們的皇冠》花咗七天時間去錄Vocal，差啲想放棄唔錄，因為方大同作嘅曲太難唱，係史上錄最耐嘅歌。」此外，Ellen的新大碟可謂「有血有汗」，皆因今次是她離開大公司後自資七位數出唱片，她又表示：「離上一張國語專輯有四年時間，一直有在創作，加上面對躁鬱病嘅低潮，走出咗後覺得即使冇大公司做靠山，想繼續用自己嘅聲音同年青人分享唔同嘅睇法，大碟中有關於空氣污染、核電、同性婚姻、青少年自殺問題嘅歌。明知未必賺到錢，但今次投資係好值得嘅。」

一腳踢搞出碟

在自資做老闆的同時，Ellen笑言今次「玩大咗」，因為以往只負責音樂部分的她，今次與經理人「一腳踢」，她說：「我哋兩個由MV推出時間、唱片印刷、銷售、宣傳budget控制、發行，所有事都唔可以假手於人，壓力真係好大。但今次得到寶貴經驗，學識做一張唱片嘅流程，原來做老闆真係唔容易。」Ellen幸慶出道以來得到樂迷及身邊朋友支持，網上預售已賣出1400隻，她謂：「雖然要賣1萬隻先回到本，好開心大家咁支持我、為我打咗支強心針。」

Ellen的新碟是視覺鮮明的音樂專輯，從造型到平面設計、MV想法等，都一氣呵成，專輯所穿的一套像小王子般很寬大的服裝，是設計師現場手工打造的，這是為了想營造不完美、披搭出來的感覺；另一套穿得很少，類似「龍紋身的女孩」，則是象徵「脫光了身上所有不滿」，回歸到最原我狀態的意義。