【人妻出走團】舒淇再晒遊日靚相

台灣女神舒淇早排密密晒出喺日本遊玩嘅相，有網友就估佢係唔係同老公老公馮德倫去咗度蜜月，不過原來大家都擺晒烏龍，事關舒淇係約咗兩位人妻好姊妹林心如同林熙蕾出遊散心！

今朝，舒淇又再喺社交網站Instagram晒出新相，相中見佢同林心如、林熙蕾去咗睇風景，三位靚女都以淡妝示人，仲要打扮得好低調，不過依然好似少女咁有活力，同齡嘅三人睇落真係一啲都唔似40歲！有網友就將Focus放咗喺冇戴帽嘅大肚心如身上，仲大讚佢靚得過份?！話時話，三位人妻撇低老公咁耐，會唔會畀人詐型㗎？