追多個No Way！方中信狂潑莫可欣冷水

藝人方中信在熱播劇《律政強人》中飾演事務律師「張強」，與好戲之人廖啟智連場對手戲火花四濺，原來他為拍好該劇，付出唔少努力，更碌爆友情卡與律師好友溝通及了解，相當認真！

現時忙於在內地拍劇的方中信，透露下月中完成拍攝後，會繼續做其住家男人，聖誕節則會帶愛女及太太去旅行。對於囡囡不經不覺已經八歲，問到會否趁機追多個？他說：「畀佢哋追啦！意外？大吉利是。（老婆想生？）佢生積就得！咁嘅年紀，個女又冇話要有妹妹或細佬。」

拍劇前諮詢律師

談到在新劇中處男下海演事務律師，要求高的他不諱言最初收劇本時覺得有少許問題：「講到律師職業好似你虞我詐咁，都驚出街後畀做律師嘅朋友覺得唔太真實！」於是開拍前，他專誠諮詢了律師朋友，連劇本也給他們過目。他指劇集出街後，有律師朋友指他外形甚似，還有人笑言要找他打官司，相當爆笑！

場地：九龍東皇冠假日酒店