陳啟泰開心同Soler撞樣：佢哋後生我十年
20161015
東網電視
更多新聞短片
真係十足三兄弟！（ps：左圖係陳啟泰）
藝人陳啟泰（Ken）、李國祥（KC）等出席音樂頒獎禮，兩人分別憑歌曲《溫柔殺手》及《好愛他》奪得「VIP熱爆歌曲大獎」。
Ken表示以前曾夾過band，所以他推出的第一首歌就選擇走搖滾路線：「我覺得第一次出嚟唱歌應該係走自己鍾意嘅路線，有小小個人特色。」與他相識超過二十年的KC亦表示支持。問到兩人可有機會合作？Ken謂之前曾擔任過KC廣州個唱的嘉賓，又指知道KC年尾會在香港開騷，叫對方記得預他一份：「其實我哋諗過好似當張學友同呂方咁，佢哋share一隻唱片，我哋就share個演唱會。」KC亦坦言希望舉辦一個比較男性化的演唱會，問到是否想像男人幫一樣？他笑說：「我哋仲男人過男人幫，因為我哋仲老啲。」
而Ken曾被指與孖仔組合Soler撞樣，十足「三兄弟」，問到可會預埋Soler一起演出？Ken笑說：「其實同佢哋傾過好多次架喇，弟弟Dino遲啲要移民，因為佢太太喺加拿大，Soler可能要拆夥，如果拆夥前佢哋開演唱會嘅，我叫佢哋搵我撐場，個騷一開場就叫大家認吓邊個係Solar邊個係陳啟泰！」當記者笑言他可以頂替Dino的位置，Ken指相信Dino間中亦會回來，又表示其實望得耐就會發覺他們長得並不相似：「係立眼似嘅，但我好開心，因為佢哋後生我十年。」
-------------------------
想了解更多indie band界資訊，立即點擊「聲大夾樂」專頁：