認靠執相　謝芷蕙發誓冇整過容

?模謝芷蕙（Cammi）出席美容中心開幕禮，表示來支持朋友。她透露近年都忙搞服裝生意，問到可是少了幕前工作？她謂：「其實本身我都唔係幕前，只係曾經出過下活動，呢兩年都專注服裝生意。（唔會再做幕前？）到時先算，有活動就出席吓。」而講到她經常在網上甫相，但則被網友笑PS圖，問她可有P圖？她謂：「你覺得呢？我會tune色，因為我真人肥啲。（有時重手咗？）唔知喎，啲全身相係攝影師同我影，我會着自己品牌嘅衫影相，所以交番佢哋執，但我都覺得ok，唔會話認唔到我。（有時啲相執到啲景歪咗？）冇喎，都係細執同tune色。（啲相你自己執？）一半半，大部分都係攝影師執。」

而講到她又被網友笑樣貌隨着不同時期會進化，她謂：「唔知喎，女大18變，有朋友笑我骨膠原流失，所以塊面先瘦咗，但我發誓塊面冇整過。（接受到整容？）我自己唔做，但人哋整冇意見。」問到她可會因這些攻擊不開心？她謂：「冇辦法，做好自己，管唔到人地點諗。」