冧晒咀女相！余文樂大嗌：我的夢中情人

型男余文樂貴為圈中筍盤，佢有樣、有樓、有車，之前仲豪擲約650萬港元，買咗部喺香港只係得10部嘅「McLaren 675LT」限量超跑，唔少粉絲都對「樂嫂」呢個位虎視眈眈！不過睇嚟大家呢次要失望喇，余文樂喺ig自爆有夢中情人，呢個夢中情人竟然係一個可愛小妹妹，余文樂一見到小妹妹已經好「猴擒」，一嚟就已經錫小妹妹個面珠，仲話：「我跟我的夢中情人終於見面了。」

張相upload咗之後，隨即引嚟唔少網友留言，話好想做嗰個小妹妹，仲有網友留言「我也要親親」、「好吃醋」、「想做那女孩」，亦有網友問余文樂咁樣錫嗰個小妹妹，究竟會唔會拎走咗個小妹妹個初吻㗎！