韓梓亮簽新公司英文名改叫MAX.B

歌手韓梓亮近日成功轉簽新公司，並宣布把英文名改做MAX.B：「公司想放棄TL呢個名，因為覺得我舊作品做得唔夠好，同埋覺得呢個名唔襯我，所以就提出改新名，而MAX.B呢個名係我同公司商量後一齊諗到，MAX意思係最大，B意思係BEST，公司想我變得更強大同將最好嘅畀人睇，我都好鍾意呢個名。」他亦透露公司近日為他安排跳舞及唱歌堂，故他不敢鬆懈，每星期都會Keep住跑步練氣。