長子長孫代胡楓謝傳媒：爸爸心情平復咗

胡楓太太呂詠荷早前離世，今日於紅磡世界儀殯館設靈，採基督教儀式進行。經歷喪妻之痛的胡楓（修哥）至今未有露面，由長子胡永康及長孫胡家俊代表接受訪問，胡永康表示：「好多謝各位傳媒到場採訪，喺度代表爸爸及屋企人感謝各位，媽咪嘅喪禮會低調處理，（今晚）7點半會做一個基督教儀式，聽朝9點半舉行禮拜儀式，然後會移到哥連臣角火葬場。（修哥心情平復未？）爸爸依家心情平復咗落嚟，所有屋企人包括外國嘅都返晒嚟，再次多謝各位傳媒關心我爸爸，多謝各位。」

胡永康透露母親呂詠荷因病離世，辭世時82歲：「離開時子女同爸爸都喺度，走得好安詳，佢有長期病，近一年身體開始有問題，身體比較差，因為併發症影響，心臟有啲事。」