拉洪永城馬國明合照　黃浩然望帶挈搵銀

藝人黃浩然、莊思敏和傅嘉莉等在尖沙咀出席新劇《我瞞結婚了》煞科宴。凌晨四點才收工的黃浩然表示早上七時就要送細你返學，因為可以陪他入班房上堂，所以就算沿途水浸兼睡魔急Call，都依然頂硬上，不想錯失親子機會。

談到撮合洪永城和馬國明這對「世紀情敵」影合照，黃浩然事前有徵求兩人意見：「影咗幾張，Tony（洪永城）特登揀張表情唔自然嘅！其實佢兩個比唔少情侶檔受歡迎，希望張合照可以帶挈我一齊搵銀。」

雖然在拍攝《我》劇期間洪永城女友唐詩詠未有探班，但蕭正楠有來探女友黃翠如。問蕭正楠和洪永城有否向他汲取「結婚經」？他笑謂：「後生仔浪漫吓先啦！」又指洪永城每當提起女友都會甜絲絲。問洪永城有否刻意在馬國明面前晒恩愛？黃浩然笑笑口拒漏口風：「咁又唔會，你哋唔好跣我！」