晒肉搶焦！恭碩良笑JW唱歌講嘢兩把聲

音樂人恭碩良（Jun）假伊館舉行演唱會，他表示15歲就在伊館為夏韶聲的演唱會做樂手，如今能在這裏開自己的騷，覺得非常高興。他又謂很高興有很多歌手朋友前來支持，但在他們面前唱歌非常大壓力：「喺我眼中所有歌手都唱得比我好，所以我好大壓力。呢行好細，好開心見到大家互相支持，你哋頭先入嚟後台嘈到好似街市咁，但happy to see you guys，thank you！」

Jun請來王灝兒（JW）、台灣音樂人Matzka擔任嘉賓，Jun指經常上網看不同的片段，他笑說：「正正常常唱歌我冇咩興趣，走音、好難聽嗰啲娛樂性好豐富，我就最鍾意，成日同人share！有時我會click到啲好正嘅片，好proud of香港市道差但繼續有新人出。」接着他便請出同樣有菲律賓血統的JW出場jam歌。身穿露背裝的JW上陣，未知條裙是否太緊，JW的玉背唧出一節節肉，而她一雙玉臂亦十分吸睛！JW落台後，Jun笑說：「估唔到平時咁密實，突然哇！」又笑JW唱歌與説話時的聲音不同，並即場模仿對方：「我唔係咁嘅意思，佢識運氣啫！」

向Prince致敬

而Jun提到今年很多歌手過身，其中一位為美國傳奇歌手Prince，又透露知道對方過世的消息時，哭了兩小時：「點解大把人唔揀要揀佢，佢為樂壇做咗咁多嘢。我同女朋友（林憶蓮）講不如我哋努力唱好啲，雖然我同其他歌手差幾皮，但我打鼓同彈結他都ok。」之後便唱出《Nothing Compares 2 U》向Prince致敬。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon