【海馬襲港】小野乃乃香困酒店慘慘豬拍片

曾參演電影《咒怨-The Final》嘅日本24歲水着女星小野乃乃香，近日秘密來港進行拍攝工作，佢用自拍神棍拍咗部分花絮放上Instagram，可見佢昨日變身中國娃娃造型現身尖沙咀文化中心，並大嘆中式粥品早餐，佢又謂自己吃了一年份量嘅點心，經常要以水着示人嘅佢，似乎唔怕肥住返日本喎！

不過，小野乃乃香完成今日拍攝工作後本想外出遊覽，但遇着颱風「海馬」襲港，佢為保安全，只好留在酒店房，溫吓韓文，及拍片自娛。片中可見坐在床上嘅小野乃乃香，一副慘慘豬表情，不停講：「好得閒。好得閒。好得閒。好得閒。颱風。颱風。颱風。颱風。颱風。香港。香港。香港。香港。香港。香港。」唔少網友都留言安慰，亦大讚伊人好可愛。