老公不知情 趙學而拍畢《皆大歡喜》患抑鬱

20161022
東網電視
更多新聞短片
趙學而當年拍《皆大歡喜》拍足4年,突然停拍令她一時適應唔到。
歌手趙學而當年有份演出的《皆大歡喜》正深宵重播,當年一班演員一拍就是四年。趙學而當年憑林玉露一角人氣急升,但原來拍攝完畢,曾患上抑鬱症,她說:「去完旅行後,覺得自己有啲唔開心,但又唔知點形容!有一日開始自動流淚,個心又會自己『嗱住嗱住』,又失眠!或者因為《皆大歡喜》嗰四年唔停做嘢,突然停落嚟,適應唔到!」
林一峰幫助度難關
趙學而就自覺不妥,主動找朋友傾訴,她說:「我知道自己有能力應付問題,唔想騷擾佢哋,但今次知道自己真係唔得!」向來樂觀的她,謂未有想像過自己會有情緒病,幸好遇到林一峰,她說:「佢邀請咗我一齊演舞台劇,跟年青人一齊排戲時從佢哋身上學到好多嘢,之後病情亦有好轉,可以減藥。」
多謝老公不離不棄
趙學而患情緒病期間,當時仍是男朋友的Alan(現任丈夫)對她不離不棄地陪伴着,但原來對方從不察覺,誤以為是工作太勞累而已。她大讚丈夫人品好又浪漫,自言跟丈夫一直過着甜蜜的生活,亦坦白大家都是火爆的人,偶然會吵架。趙學而又謂與Alan結婚,是為了向父母親作交代,她說:「我同佢拍拖最初冇結婚念頭,以為兩個人開心就算,但其實老人家希望有個名份,其實結婚係做畀父母睇嘅,等佢哋安心,感受到我哋真係大個喇。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon