將結婚一年 梁敏儀生B睇緣分

20161022
東網電視
更多新聞短片
梁敏儀差啲送唔到愛犬最後一程。

藝人梁敏儀出席電影記者會,她透露早前在長洲拍攝電影,要耍很多功夫,自嘲沒有功夫底兼筋骨硬,拍攝過程也很辛苦,她說:「拍攝中間又突然打風,跟住我隻狗身體又唔得,我想趕返屋企,但因為過咗12點冇船,要等到凌晨兩點後先有船,最後送埋佢走,陪佢最後一程,所以自己印象都好深刻,我都好唔開心,因為好心急,想走又走唔到,隻狗16歲幾,有骨癌行唔到,但都有心理準備。」

問到現時是否跟藝人林雅詩同公司?她續說:「唔係,我係自由身,喺近呢一兩年見面多,以前冇合作過。我覺得佢好堅強,一個媽咪要照顧小朋友唔簡單,佢都係女漢子。(想唔想佢搵到個伴?)佢應該好多人追,咁靚女。(你介紹畀佢?)睇吓我自己身邊有冇筍盤先?(你自己呢?)我舊年11月1日結咗婚啦,就快一周年,都計劃緊去旅行慶祝。」她透露丈夫是圈外人,從事設計工作,至於生小朋友就看緣分!