靓佬汤自爆拍戏水中闭气六分半钟

一向出名拍戏“搵命搏”嘅荷里活着名男星汤告鲁斯（Tom Cruise），日前上英国着名清谈节目《The Graham North Show》受访时自爆之前拍摄《职业特工队：叛逆帝国》（Mission Impossible – Rogue Nation）一幕水底戏时佢试过闭气六分半钟（平均一个正常人可以闭气30秒）！<br/><br/>靓佬汤指拍摄前有潜水员训练佢，而佢话过程绝对唔系开心嘅事！虽然靓佬汤闭气六分半钟好劲，但原来今年2月曾有一名男子Aleix Segura Vendrell试过闭气24分3.45秒刷新健力士世界纪录。<br/><br/>而同在节目中受访嘅英国男星祖狄罗（Jude Law）自愧不如，大爆自己拍新电视剧《The Young Pope》时亦在水池内闭气拍摄一场祈祷戏…但仅闭气40秒！靓佬汤即“润”佢问点训练？祖狄回答：“我冇受训，因为真系唔系好长时间。”