造人尚未成功！羅仲謙話仍需努力

藝人羅仲謙與黃翠如一同擔任東方表行55周年沙田錦標「時尚煲呔賽馬日」的主禮嘉賓，罕有性感登場的黃翠如甫到場，羅仲謙即搞笑地瞪大眼睛，大反應地「嘩」了一聲，事後表示只是搞氣氛而已，表示甚麼也沒有看到。

得三分一時間留香港

早前傳出楊怡有喜，羅仲謙表示當時自己在大陸，收到楊怡傳報道給他看，他說：「以我所知，我只係努力中，好坦白嘅，結咗婚有小朋友都好正常，唔係報道所講。（唔講得怕BB小器？）唔係，聽日都要大陸做嘢。（返大陸前造人？）努力中，唔係日日都要造嘅，隨緣啦，依家努力做嘢搵錢為家庭。（有冇生B秘技？）聽過人哋講話有啲食療影響生仔定女，第一胎想生女，不過最緊要健康，都有聽過醫生講有啲食療方法，未問人呀，自己冇時間睇，喺大陸留多一個月，返香港先慢慢睇。」他說楊怡這年來已休養好身體，十分強壯，反而自己工作忙，只有三分一時間在港，要休息多點。

擲六位數買錶冧老婆

講到因工作關係，蜜月也要後補，因為想去一個既浪漫又偏遠的地方，問到蜜月時可加速造人？謙仔說：「聽人講都係，不過要努力隨緣。」大會現場送贈一枚21萬8千港元的腕錶給他，他自言未結婚前想買錶給自己，現在則想買錶送太太，預計六位數氹太太開心。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon