郭穎兒結婚 陳靜首次做姊妹:好感動!
現年29歲的藝人郭穎兒(Celia K.)與拍拖一年的男友李冠鋒在港補辦婚禮和筳開約三十席補擺喜酒,由陳靜(DaDa)擔任姊妹,DaDa表示今次首度做姊妹,很多事情也不懂,幸得其他姊妹教她,她笑言:「下次到自己或者其他朋友結婚都知點籌備。不過我唔會搞婚禮,我鍾意好似舒淇咁簡單啲─旅行結婚。(會唔會閃婚?)唔排除,遇到鍾意又適合就去。(依家有冇拍拖?)有都唔會同大家講,唔知有冇。(怕見光死?)係,想穩定啲先講。」

DaDa坦言覺得結婚很幸福,可以見證着好友結婚,十分感動:「見到佢斟茶畀父母時好感動,新娘子都有眼濕濕。(有冇令你有結婚衝動?)又冇,可能未遇到,遇到時就會有。(今朝接新娘時點玩新郎?)我第一次玩,都幾好玩,大家都好投入。有叫新郎同兄弟着芭蕾舞衫跳韓團嘅舞,又叫新郎同腳趾夾麥提莎畀兄弟食,氣氛好好。(之前有冇見過班兄弟?有冇邊個啱?)有見過一次,但佢哋全部都有另一半。」