唔認同但接受 劉佩玥現實絕不做小三

20161025
東網電視
更多新聞短片
劉佩玥又話自己嘅角色係完全顛覆我畀人嘅感覺。

藝人陳展鵬及劉佩玥(Moon)到屯門出席活動,Moon在新劇《幕後玩家》中與有婦之夫黃宗澤偷情,昨晚第一集就激咀,預告片兩人更有床戲,引來不少迴響!Moon說:「嗰幕播完,whatsapp爆咗,好多人message我,話第一集就咁精彩,我真係冇試過咁演繹,監製好用心度故事!(今晚嗰場最激?)唔止,大家睇落去,仲有幾條線都好勁,咁呢啲戲對我係新鮮,顛覆我畀人嘅感覺,角色同我係零相似,現實入面我唔會做小三,冇興趣,但我有睇啲參考資料,了解呢類人嘅心態,唔可以話認同,但接受,希望觀眾都接受我個角色。」

提伍允龍即遊花園

問到該幕播出前,有否跟緋聞男友伍允龍(Philip)備案?Moon沒有直接回答,只說:「我連父母都唔係好敢講,我好緊張,但佢哋話唔緊要啦做戲啫!(咁即係Philip有咩反應?)唔知佢有冇睇喎!我再問下佢先!」