《創世紀》效應？安仔狂收短訊：話我好慘

藝人郭晉安與蔡少芬（Ada）在將軍澳電視城為劇集《老表，畢業喇！》拜神，新劇以現今教育問題為背景，蔡少芬接萬綺雯棒為新劇擔任女主角。問到可有壓力？Ada笑說：「雖然我喺呢套劇係新人，但係我本身唔係新人喇，所以冇壓力，反而幾輕鬆，班底好親切，好期待開工。（擔唔擔心同萬綺雯比較？）冇得比較，如果佢做咗，我再做就有得比較啫，呢套係同系列，但故事唔一樣，我今次係『張進強』，唔一樣架喇！」

Ada向歐倩怡取經搵學校

郭晉安與Ada繼現時在深夜重播的《創世紀》後再合作，他笑說：「今次主景喺大埔，遷就番Ada。」Ada說：「係遷就祖藍呀！」郭晉安即說：「呢排一到十二點播《創世紀》就收到短訊，話我好慘，我唔慘瞓得好好，觀眾都好期待蔡少芬拍劇。」郭晉安指今次《老表》的劇情是探討現今教育問題，會比前兩輯較寫實。Ada則表示有向郭晉安太太歐倩怡取經搵學校。