鄭少秋獲頒榮譽院士：依家學有所成！

藝人鄭少秋（秋官）出席香港演藝學院活動舉辦的「榮譽博士暨榮譽院士頒授典禮」，與粵劇名伶尤聲普一同獲頒發「榮譽院士」，秋官坦言非常之開心，自言並非讀書材料，沒想過獲得這個榮譽，他說：「細個爸爸叫我讀好書，希望畢業時可以着件袍。但係最後選擇去學戲，靠自己努力，依家學有所成。」雖然現場未見太太官晶華及女兒們前來觀禮，但秋官表示太太也非常高興，晚上與家人食飯慶祝。

囡囡鄭欣宜剛完成個唱，工作比較繁忙，故秋官沒有通知欣宜，他說：「佢好多朋友，等佢招呼晒朋友先，之後會食飯慶祝。」提到欣宜自爆曾向前男友跪地，作為父親的秋官表示未有致電女兒慰問：「要了解吓先，都知佢好唔開心，但感情嘅嘢好難講。」他還指欣宜性格似足已故母親沈殿霞：「個女似足阿媽，唔鍾意喺人面前喊。」他又指自己不善於表達，故未能打開女兒心窗：「所以個女都冇同我傾，感情唔係一、兩次就可以順利，兩個人一齊都有困難。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon