創二代闖樂壇！陳明憙怕影衰老竇陳少琪

現年24歲的陳明憙（Jocelyn）挾着著名填詞人陳少琪女兒之名，決心以「創二代」身份勇闖樂壇！她透露9歲已用鋼琴寫歌，到了15歲便寫流行曲，但是因為她從小見識到很多專業的音樂人，令她自覺不夠厲害，故直至大學畢業時才敢向家人道出做歌手的願望，然而當時卻被她爸爸直接以「未夠好」為由反對。爭執一段時間後，她爸爸終答應給她一年時間去倫敦進修音樂，期間她在爸爸穿針引線下，她的其中一首作品更被選為做周迅監製的電影插曲，自此展開歌手路。雖然她坦言曾因父親反對入行而傷心流淚，但亦理解對方反對的原因，幸好她鐵杵磨針，現時父親已轉為支持她，她說：「不過佢都係用苛刻嘅方法支持，例如淨係講係有咩唔好，不過都幾好，反對令我學識爭取，唔係話由細到大有屋企人做音樂就乜都得，都係要靠自己寫啲好歌出嚟。」

榮幸做「創二代」

Jocelyn的媽媽是前DJ黃靄，她坦言從小見識不少音樂人，反而令她有進步壓力：「幫助係由細到大，跟佢哋返工睇錄音學到好多嘢，但正因為見到好多專業人士，所以冇空間去發夢覺得自己好叻，不過都係令自己進步嘅壓力。（想突破陳少琪女兒呢個框框？）希望大家睇我嘅作品，但我又覺得身為佢個『創二代』好榮幸，同埋呢個會係個標準，令我一定要保持好水準嘅音樂，佢成日都話『唔好影衰我』。」

夠膽改爹哋歌詞

最近Jocelyn推出首張專輯《童裝高跟鞋》，當中八首國語歌及兩首英文歌都是她有份創作，其中有些歌詞更是由爸爸操刀，她說：「因為我中文唔係好好，所以啲歌永遠都係用英文寫歌詞先，跟住搵爹哋或其他填詞人幫我翻譯意思，佢成日都話『全行得你一個敢改我啲歌詞㗎咋！』」

張學友指點唱功

Jocelyn因為父母關係見過不少巨星，如歌神張學友、周杰倫等，耳濡目染下對音樂及創作產生興趣，其中她開心表示曾獲學友指點唱功，建議她可以唱得有感情少少，即使有瑕疵都不打緊。她續透露小時候曾在飲茶時遇見已故巨星張國榮（哥哥）：「見到佢係覺得『嘩』！雖然係好細個嘅事，但依家印象都好深刻，我會解釋呢個係哥哥嘅力量。」