陳柏宇做跟得男友　女友生日全日Stand by

歌手陳柏宇（Jason）到太子一間唱片店宣傳新鮮出爐的新碟《The Players》，並即場將自己的人型紙牌拆封為新碟造勢。雖然Jason近日忙於準備下月舉行的演唱會，但昨日亦特意請假與女友符曉薇慶祝生日，他說：「搭正十二點唔係同佢一齊，但都全日陪住佢，一年梗有兩日要咁，一係拍拖周年紀念日，二就係佢生日。」又指昨日全日陪女友食飯、工作、行街。當記者笑言與平日沒有分別，Jason即說：「個分別係我全日stand by，同埋平時佢買嘢我唔同佢一齊㗎，除非佢買畀我。」至於生日禮物，他透露買了一個clutch bag給女友：「幾型㗎，個手袋好似銀包咁，佢其實屋企好多袋，我都叫佢一係賣一係捐咗去，但佢生日冇法，我就照送袋。」

提到他下月的演唱會，Jason表示現時練歌為主，更透露準備了驚喜給大家，而女友其中兩場會前來觀看，他又指已計劃完騷後會去泰國旅行。談到現時市道差，很多歌手選擇不出實體碟，Jason認為大家的選擇不同：「出實體碟係有風險喺度，但唔一定要印好多。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon