渡邊麻友自爆拍索爆寫真險遇溺

日本女團AKB48成員渡邊麻友喺17歲個陣，曾推出一本寫真集，由於當時年紀仲細，尺度相當保守。相隔5年麻友已經成年人，佢最近就決定拍第2本個人寫真集，挑戰大膽新尺度，7月個仲去咗洛杉磯取景。

呢本寫真集叫《不知不覺中》，推出咗啦！噚日仲喺東京福山書店舉行宣傳活動，招待咗千名粉絲，呢本寫真集主要賣點係麻友個靚Pat Pat，好多大膽晒股寫真，仲首次挑戰拍性感內衣寫真，班粉絲梗係好期待啦！不過就俾咗唔少壓力俾麻友，麻友佢以前唔鍾意自己個Pat Pat，因為覺得好大，但估唔到依家做咗賣點。佢仲話去到洛杉磯感覺輕鬆晒，原來洛杉磯好開放，所以拍個陣好Relax，不過佢就透露拍攝期間差啲遇溺，嚇到在場粉絲呆咗。

渡邊話拍攝嗰陣着住比基尼喺泳池影相，點知喺水泡跌咗落水，由於讀幼稚園個陣有過遇溺陰影，自己又唔識游水，所以好驚，係咁掙扎，掙札咗一輪先發覺泳池嘅水深只得一米高，真係自己嚇自己。不過遇溺一刻，攝影師就拍低咗佢真實的表情，夾晒本書個名，不知不覺中就影咗咯。