名人:化身性感「狐妖」 薛芷倫恨拍拖

20161029
東網電視
更多新聞短片
薛芷倫化身性感「狐妖」現身~

後日萬聖節,呢兩日已有不少嘩鬼出動,名媛薛芷倫(Fanny)昨晚就化身性感「狐妖」出席萬聖節派對,同場的何超盈就化了一個骷髏妝、莊家彬細佬莊家淦則赤裸上身,大晒八舊朱古力肌,眾人出盡法寶搞熱個氣氛。

Fanny性感「狐妖」晒胸騷長腿,吸睛力強,蒲現場即成為焦點,難怪佢講成晚都成為集郵目標,不停有人搵佢影相。她話今次套衫喺網上買:「我喺網上搵啲萬聖節嘅造型,見到呢套好靚,又特別,因為啲人多數扮鬼,諗住呢個造型少見啲,今次派對玩得好開心,個個都全程投入,扮到好出神入化,好有心機,有啲朋友都認唔出。(扮「狐妖」有冇吸引到啲男士埋身?)成晚好多人搵我集郵。」

Fanny精神奕奕,透露剛去了兩個多月旅行,充足電回港,說:「我去咗美國玩,又去加拿大探屋企人,跟住再到摩納哥、去倫敦探讀大學嘅細仔,差唔多玩咗半個地球。」現追求優質生活,十分懂得享受人生的Fanny,除了着重健康食飲外,又四出睇靚嘢,笑言只欠一個伴侶,都希望盡快可搵到有緣人陪伴。