為着三點式拍攝戒口　李旻芳預告半祼鏡頭

擁有34C驕人上圍的無綫小花李旻芳（Lucy），最近遠赴韓國拍攝旅遊節目《3日2夜》，Lucy於節目中換上多套火辣三點式，更獻出「第一次」，「大解放」半祼上身享受按摩，場面香艷！貪靚的Lucy自爆為了弗爆穿上比堅尼，整個旅程都堅持戒口，見到美食亦「眼看口勿動」，令她相當痛苦！她說：「我本身好期待去當地，學韓劇啲主角咁食炸雞同飲啤酒，不過要着三點式拍浸SPA嘅場面，為咗拍出嚟畫面靚啲，所以全程都要戒口，拍攝時仲全日空肚，真係好痛苦！」

她更透露為節目「豁出去」，在鏡頭前大膽地半祼上身：「拍攝按摩背部嘅畫面先會半祼上身，自己都好好打底以免走光。（拍攝時有冇清場？）咁又冇，因為都咩都睇唔到，所以有工作人員在場亦唔會尷尬。」除了戒口之外，Lucy還被拍攝場景考起：「因為我一向都唔係好識點樣做model，擺靚pose，影Spa要比人一種好舒服、好relax嘅感覺，所以就考起我喇。我最記得導演同我講叫我全部動作都慢啲，比啲感情，到最後我全程用慢動作嚟完成，諗起都搞笑。」

貴為新一代「咪神」的Lucy深得宅男歡心，惟她今次與娛樂主播潘梓鋒（Bryan）一同拍攝節目，竟然擦出「愛」火花，勢令一眾宅男心碎！她說：「好開心今次同Bryan一齊去去旅行，佢全程都好照顧我，加上又有共同話題，所以我哋好合拍，就連節目導演都話我哋好似新婚夫婦度蜜月咁！（唔怕同對方傳緋聞咩？）唔怕，只係拍攝時睇嚟SWEET啫，其實我哋本身係好兄弟嚟，仲會齊齊講黃色笑話，你就知我哋冇咩可能啦！」