譚詠麟透露將同許冠傑合唱　差未填詞

校長譚詠麟出席「2016 CASH週年晚宴暨金帆音樂獎頒獎典禮」，頒發「CASH音樂成就大獎」給好友鍾鎮濤（阿B）。講到他在台上謂阿B得獎遲，他表示：「佢係實至名歸，係遲咗，我都喺九年前拎左。」他又表示忘記阿B曾有作曲給他：「我有作過畀佢，但佢有作畀溫拿，我哋都有一齊作曲，例如《千載不變》。」

阿倫又透露現時有繼續作曲，其中今日更完成了兩首歌，講到他之前在歌神許冠傑（Sam）演唱會時曾邀對方合作，阿倫透露今次其中一首歌是首次跟Sam合作：「呢個係咁多年嚟希望，開心到不得了，好多晚訓唔着，我今朝6點13分起身作曲，望出去露台。（見到咩？）一片漆黑，有曙光開始出嚟。」他亦謂歌詞則由Sam寫，問到何時會開始錄音？阿倫謂要待Sam旅行回港：「知道哂佢嘅行程，不過佢真係樂壇忍者，幾難搵到佢，仲唔捉實佢，佢同佢大佬Michael（許冠文）都係高人。」

而講到此曲內容，阿倫透露：「會係貼地嘅歌，類似《八十歲後》、《沉默是金》，指嗰啲音樂同意境，係貼地氣。（會唔會關於香港？）唔知佢寫乜，但希望朝住呢個方向寫。」而另一首歌他則透露是寫給一個台灣女歌手：「唔講啦，係合唱歌。」